Harry Potter Theories: Dumbledore is Death!

हॅरी पॉटर ज्यांनी पाहिलं आहे त्यांना डेथली हॅलोज मधली तीन भावांची गोष्ट नक्कीच माहित आहे. आणि कदाचित खूप आवडतदेखील असेल. मला स्वतःला ती गोष्ट जाम आवडते.

त्या गोष्टीबद्दल सुद्धा एक फॅन थिअरी आहे.

या थिअरीनुसार, त्या गोष्टीमधला “मृत्यू” किंवा “काळ” हा दुसरा तिसरा कुणी नसून डम्बलडोर होते. आणि ते तीन भाऊ म्हणजे वोल्डेमोर्ट, स्नेप, आणि हॅरी.

वोल्डेमोर्ट सगळ्यात मोठा भाऊ. ज्याला सर्वात शक्तिशाली व्हायचं होतं. अगदी मृत्यूपेक्षाही शक्तिशाली. तर सेवरस स्नेप म्हणजे मधला भाऊ, जो त्याच्या प्रेमिकेवर प्रेम करत राहिला, तिच्या मरणानंतरही. कायम! आणि हॅरी म्हणजे तिसरा सगळ्यात लहान भाऊ. ज्याने वेळ आल्यावर मृत्यूला एका जुन्या मित्राला भेटल्याप्रमाणे आलिंगन दिले.

वोल्डेमोर्ट बद्दलचं लॉजिक सगळ्यात सोप्पं आहे. त्याला मृत्युच्याही पुढे जायचं होतं हे उघड आहे. त्यामुळे सगळ्यात मोठ्या भावाच्या जागी तो अगदी बरोबर फिट होतो.

                                         

सेवरस लिलीवर जीवापाड प्रेम करत होता. तिच्या जाण्यानंतरही. हॅरी जर नसता तर मला नाही वाटत स्नेपसुद्धा जिवंत राहिला असता. त्याने कदाचित प्रयत्नही केले असते लिली ला जिवंत करण्याचे.कदाचित केले असतीलही. त्यामुळे स्नेप मधल्या भावाच्या ठिकाणी फिट बसतो.

                                         

हॅरीकडे अदृश्य करणारी चादर होती. शिवाय हातात पुनर्जीवन देणारा दगड असूनही त्याचा वापर न करता तो मृत्यूला सामोरा गेला. त्यामुळे हॅरी तिसऱ्या भावाच्या ठिकाणी फिट बसतो.

                                         

डम्बलडोर हेच मृत्यू असण्यामागे फक्त हेच लॉजिक नाही, कि  एल्डर छडी, पुनर्जीवन देणारा दगड, आणि अदृश्य करणारी चादर; तीनही गोष्टी डम्बलडोरकडून दुसर्यांना मिळाल्या. पण अजून एक कारण हे आहे, कि मेल्यानंतर हॅरीला डम्बलडोरच भेटलेले..! त्यामुळे तेच मृत्यू आहेत ही थिअरी सुद्धा लॉजिकली बरोबर ठरते.

#हॅष्टॅग.